Ee Kadasterextrait bestellen

Déi einfachste Manéier fir een Kadasterextrait ze kréien, ass, eisen online Assistent ze benotzen:  Kadasterextrait Bestellung

extraits_wizard.png

Dësen Assistent guidéiert Iech duerch eng einfach Prozedur mat 3 Etappen, bei deenen Dir fir d'éischt eng oder méi Parzellen auswielt, ëm déi et beim Extrait geet, dann den Verwendungszweck vum Extrait souwéi weider Detailer ugëtt, an schlussendlech d'Bestellung fortschéckt.

Gitt fir d'éischt d'Parzell(en) un ëm déi et am Extrait geet, andeems Dir entweder een Deel vun der Adress am Sichfeld agitt, oder andeems Dir alternativ dozou am der Kaart déi Parzellen graphesch uklickt:

wizard specify cadastral parcel

An der zweter Etapp geet et dorëmmer, fir de Verwendungszweck ze preziséieren, well d'Dokumenter je no Zweck an hirer Aart an Unzuel kënnen änneren. Zéckt dobäi och nit, fir am Feld fir Bemierkungen all Detailer unzeginn, vun denen Dir mengt dass se kënnen hëllefräich sinn bei der Beaarbechtung vun der Bestellung. D'Zuel vun de respektiven Dokumenter déi am Prinzip fir den ausgewielten Verwendungszweck virgesi sinn, ass an der Tabell uginn. Dir kënnt déi Zuelen änneren wann Dir mengt dass dir vun dem engen oder aneren Dokument méi Exemplaren braucht.

extraits_wizard_et3.png

An der leschter Etapp kënnt Dir Är perséinlech Daten aginn, oder - méi praktesch - se automatesch ausfëlle loossen andeems Dir Iech iwwert Ären Geoportal-Benotzerkonto identifizéiert. Natierlech kënnt Dir hei och een neien Geoportal-Konto uleeën.

extraits_wizard_et4.png

Schéckt Är Bestellung fort andeems Dir op de rouden Knäppchen dréckt.